Aw Lalpa, ka hmangaih, ka hmangaih a che

Aw Lalpa, ka hmangaih, ka hmangaih a che, Min Chhandamtu Pathian, ka hmangaih a che: Ka hmangaih tak zet che, tih pawh i hria e; Ka hmangaihzia, chetin ka lantir ang e. Rohlu ber ka chhar ta, chatuan rohlu chu, Lawmna chuai thei lo tlang chhipah ka chuang ta: Krista leh angelte, hnamtin chitinte; Lungruala len hun tur ka nghakhlel em e. Chhandamtu i zarah malsawmin ka awm, Nun hlimna leh chawlhna, chhandamna i ni: I hmangaihna ka hla, I hming ka thupui; I ṭhatin lei leh thinlung an tiharh ang. Aw, min Chhandamtu ang, Salem Lal awm maw? Hlimin min hmangaihna, hla min saktir ṭhin: Aw mawi leh ring takin ka fak fo ang a; Ka thinlung lawmna lui a luang zel tawh ang.