Ka thilsiam zinga lungdum ber

Ka thilsiam zinga lungdum ber, Ka hmangaihna par tlan ṭhin; Hmelma anka i hai em ni? Engan nge maw suala min tluksan le. Ka dawnin ka ngaingam thei lo, Kumtluanga fam dairial chang tur; Chhandamna kawng dang awm si lo, I tana fam ka chan mai loh chuan. Aw, aw a na e, min hersan hi, I sual man tuarin; Kalvariah ka thi a. Chhandamna kawng ka hawng leh ta, Ka thisenin ka tlan che a; Lo kir rawh, I tlantu hnenah, Kei aia hmangaihtu che an awm lo.