Van lam pana ka kal lai hian

Van lam pana ka kal lai hian, Ni tin ka chho hmun sang zawkah; Ka ṭawngṭaina thupui ber chu: “Min dintir rawh hmun sang zawkah.” Lalpa, min kai la, min hruai rawh, Rinnain van min thlen ang che, Ni tinin hma min sawntir la, Min hruai rawh dinhmun sang zawkah. Rinna chau tak ka duh lo ve, Hlauthawn leh rinhlelhna khawih phak; Miten hmun hniam thlang zawk mahse, Ka tum ka dil chu hmun sang zawk. Setanan min bitum lai hian, Van chung sangah len ka duh e; Van mite hla mawi remnaah, Min hruai ang che hmun sang zawkah. Ropuina eng thlir phak turin, Len ka duh e, hmun sang berah; Lalpa ka dil van thlen hma zawng, Min hruai zel rawh hmun sang zawkah.