Van ram pan khual zin tan chanchin lawmawm a lo thang

Van ram pan khual zin tan chanchin lawmawm a lo thang, Thawkrim leh vakvai zawng zawngte tan; Chhandamtu Lalpa ropuiin a lo lang thuai dawn, A lalram chu a lo thleng thuai ang. A lo kal thuai dawn, lo kal dawn ka hria, Leiah hian a lo kal leh dawn; Khual zin chaute, lawmin, an ropui tawh ang; Chhandamtu a lo kal hun chuan. Khual zinte lo chawlhna thlan hlui leh ram zawng zawng pawh, Lalpa hmaah an inhawng vek ang; Tuifinriat thuk taka lo muhil zawng zawngte pawh, He leiah hian an lo nung leh ang. Chutah in nuam Edenah kan intawk khawm leh ang, Inṭhen tawh lova fak hla sain; Chhim leh hmar, chhak leh thlanga’n tlan te lo chhuak ang; Van Lalber chu chibai buk turin. Haleluia, Amen! Haleluia nawnin; Kan rinawm chuan kimin kan thleng ang; Aw, ngaihven la, beisei leh hlim takin nghak la, Lallukhum ropui kan khum dawn si.