Baibul min pe rawh, lawmna arsi eng chu

Baibul min pe rawh, lawmna arsi eng chu, Vak vai leh mangang tihlawmna turin; Chu eng mawi chu engmahin a hliah thei lo, Bo zawnga Isua lo kal chinah chuan. Baibul min pe rawh, thuchah thianghlim eng chu; Nangma engin kawng zimah min hruai se; Zirtirna, thutiam, hmangaihna leh dan chu, Chatuan ni en thlengin min zirtir se. Baibul min pe rawh, ka rilru a chauhvin, Sual leh lungngaia, hlauva ka awmin; Isua thu sawi, hlu tak chu min pe langin, Rinna alhtir la Tlantu hnaih hriat nan. Baibul min pe rawh, ka kawng min en turin, Khawvel thim zinga hlauhawm min hrilh se; Chu eng chauh chuan thlamuanna kawng min hrilh thei, Himna engin mangan kiantir rawh se. Baibul min pe rawh nunna eng thim thei lo, Hmun lungngaihna ah pawh entir zel la; Van kawtthler engmawi chu min entir fo la, Jordan tuifawn ropui min entir rawh.