Isu, i hnenah ka lo kal e

Isu, i hnenah ka lo kal e, Lungngaih zan thim sual bawih ata; Lawmna eng, zalenna lam panin, Isu, ka lo kal e. Ka natna ata i hnen damna, Tlakchhamna ata i hausaknaah, Ka sualna aṭang hian i hnen lam, Isu, ka rawn pan che. Isu, i hnenah ka lo kal e, Hlawh chham mualphona aṭang hian, Hlawkna ropui i kros lamah chuan, Isu, ka lo kal e. Lei lungngaihna aṭanga lawmna, Damlai thlipui bihruk san nan i hnen; Tuarna ata lawmna, damna lam, Isu, ka rawn pan che. Isu, i hnenah ka lo kal e, Buai leh chapona aṭang hian, I engthawlnaa cheng ve turin, Isu, ka lo kal e. I hmangaihnaa cheng reng turin, Beisei bo hnu, hlimna tawp lohnaah, Ṭhuro angin van sangah lengin, Isu, ka rawn pan che. Isu, i hnenah ka lo kal e, Thlan thim hnuai hlauhawm tak ata, Van in nuam eng mawi lam chu panin, Isu, ka lo kal e. Chhiatna sawi sen rual loh atang hian, I hliah khuhna ralmuanna lamah chuan; I hmel ropui chu thlir reng turin, Isu, ka rawn pan che.