Talh tawh beram No chawimawiin vanah angel var rualten

Talh tawh beram No chawimawiin vanah angel var rualten, Tuma hriat ngai loh hla mawi tak lal ṭhatphah hualin an rem; A fakna au thawm leh rimawi van khawpui a thang khawk e, Anni angin keini pawh hian fak chungin rawng i bawl ang. Thianghlim, thianghlim tiin angel an zai, Kei pawhin vanah fak hla han sak ve hun ka nghakhlel; Mahse tlanna hla ka sak hun chuan an thla an khup ang, Chandamna ropui hi an la tem ve ngai si lo va. Mahse hla danglam ropui sak thawm rimawi chu ka hria, “Thisena min tlantu hming ropui rawh se,” tiin an zai; “Tihduhdahnate kal tlangin, Vanram kan thleng tawh ang a; Beram No thisen hlu chuan kan sualte min tlenfai sak tawh.” Van angelten din hualin an ngaithla e, chu hla mawi chu; Anmahni puala hla angin an sakpui thei si lova, Tihduhdahna nasa tak leh indo hnehna hla an sa; An tana tuar hnu an Tlantu hming fak zai an bang thei lo. Van angel thianghlim ni lo mah ila muanna kim kan nei; Van angelten an sak ve theih loh hla mawi chu kan sa ang; Kei mi sual ber tlan chhuah nana Kalvaria thia kha, Chatuan thlengin kan fak fo vang, min Chhandamtu Lalpa chu.