Leiah hian zawng thlemna leh sualna a bang lo vang

Leiah hian zawng thlemna leh sualna a bang lo vang, Ni tinin thlemin kan awm fo va; Ka mit hmuh leh bebga ka hriatte hian, Sualah mi hruai lut. Mahse, ka Lalpa hmangaihna ropui chuan, Mi sual sim a ngaidam; Simin ka lo kal e, aw Lalpa, (2) Ka sualna ngaidam rawh. A hmangaihna zarah nungin, damin kan awm a, Mahse, a hmangaih kan hai fo va; Kalvari-a tlanna ngai lo ang hian, Lei par ka lo lawm. Khawvel mawina zawng zawng hi chatuan an tling zo lo, Mahse, a mawina kan zawng fo va; Khawvelah hian huamin leng mah ila, Vak bo ka lo ni. Boralte zawnga chhandam turin Lalpa Isuan, Hmangaihin min zawng rethei fate; Sual thihna thima inhmang zawng zawngte, I tho leh ang u.