Hlimin chibai buk r’u

Hlimin chibai buk r’u, Lalpa in Lalber chu; Hlim r’u lawmthu hrilh r’u, Hnehna hla sa rawh u; Thinlung hlimin awte chhuah r’u. Lawm r’u, ka sawi nawn, lawm rawh u. Hmangaih leh thutak Lal, Isuan ro a rel a; Sual kaidum a tlengfai, Vanah a han ṭhu ta; Thinlung hlimin awte chhuah r’u, Lawm r’u, ka sawi nawn, lawm rawh u. A ram a chhe thei lo, Lei leh van ro a rel; Thihna leh thlan chabi, A hnenah pek a ni; Thinlung hlimin awte chhuah r’u, Lawm r’u, ka sawi nawn, lawm rawh u. Hlim r’u, beisei ropui, Lalpa a lo kal dawn; A rawngbawltute chu, Van inah a hruai ang; Thinlung hlimin awte chhuah r’u, Lawm r’u, ka sawi nawn, lawm rawh u.