Ka thlarau tho la, hlim takin

Ka thlarau tho la, hlim takin, I chhandamtu fakin zai rawh; Chawimawina hla saa zaiin, A hmangaihna a thlawn a ni; (Aw) A hmangaihna A hmangaihna, A hmangaihna a thlawn a ni. Suala ka tlu chhe tawh hnu hi, Min hmangaihna a chuai chuang lo; Min tlan chhuak ta, ka bo hnu hi, A hmangaihna a ropui e; (Aw) A hmangaihna A hmangaihna, A hmangaihna a ropui e. Lei hmelma leh hremhmun pawhin, Ka kawng min tibuai mahse la; Him takin ka thlarau a hruai, A hmangaihna a chak a ni; (Aw) A hmangaihna A hmangaihna, A hmangaihna a chak a ni. Lungngaih buaina chhumpui zingin, Khua durin khawpui ri mahse; Ka thlarau kiangah a ding thin, A hmangaihna a tha em e. (Aw) A hmangaihna A hmangaihna, A hmangaihna a tha em e. A tlansate hruai hawng tur a, Lalber a lo kal leh hun chuan; Lawmna luipui kama zaiin, A hmangaihna ka fak zel ang. (Aw) A hmangaihna A hmangaihna, A hmangaihna ka fak zel ang.