Zing reh takah kawl engin khua a var a

Zing reh takah kawl engin khua a var a, Sirvate thovin thimna a kiang a; Zing aia mawi zawk, chhun aia duhawm chu, “Ka awmpui reng a che: tih hi a ni. Zan khaw tlaitluan, zan thim reh lai takah pawh, I kiangah thlamuang takin ka awm ṭhin; Zing reh taka dai fim a tlak lai pawhin, Ka thinlung chhungah hla mawi ber i ni. Chutin, tuk tin, zing tin i kiangah awmin, Thar zel, thar zelin i mawizia ka hmu; Chutin ka thinlung tihvara lo awmin, Nitin ka van in nuam ka hnaih zual ṭhin. Nakin chatuan khua a lo var hunah chuan, Lei nun khaw har hi hnutiang ka chhawn ang; Chumi zing lawmawm ropuina engah chuan, I hmel hmuin ka hre chiang tawh ang che.