Chhandamtu lo kal lehna a hnai e

Chhandamtu lo kal lehna a hnai e, A chhinchhiahna ram tinah a thleng ta; Van ram kawng zawhten beiseina lawmawm Kan nghak reng e, aw kan chhandamtu, lo kal rawh. Chanchin ṭha hril ru, puang zel rawh u, A lang thuai dawn e, Isua lo kal chu; Thinlung tin hi vanin ngaiin kan au, Lo kal thuai rawh Chhandamtu duhawm, lo kal rawh. Ni leh thla arsia chhinchhiahna ten, Ni ropui lo thlen hnaihzia an entir; Indo thuthangah hnam te an mangang, Mi sualte thinlung pawh hlauhnain a beidawng. Van ram kawng zawh, thawk rima chaute tan, Heng hi hlimna hmahruai an lo ni a; A lo hnaih tawh zia engkim hian an puang, Ni lo thleng thuai tur atan kawl a eng ṭan ta. Intawk khawmin intihuai zual ila, Kan hriat thuai dawn chu Lalpa hmangaih aw; Mahni sual kalsan nghaltute zawng chu, Hlim leh lawma zaiin kawngkhar mawi an lut ang.