Tlang ramahte chuan vakvaiin

Tlang ramahte chuan vakvaiin, Beram rual an darh zo ta; Thlaler kawng thim ram ril hmunah, Fiahna rapthlak an tuar ta; Tunah koh khawmna a lo ri, Thutaka vaukhanna chu; Rinna leh hmangaihna suihkhawm, Pawl tlem te u, lawm rawh u. Thutak eng an zawn chu hmuin, Van lam kawng chu an zawh ta; Lalpa thu sawm pekah lawmin, Thianghlim leh dik an hre ta. Nunna thu chu an chaw tui ber, A hniakhnung zui an lawmna; A ke bulah inngaitlawmin, A thu zirtir an lo zawm. Chu khawpui mawi tak eng reng chu, Rei loteah an thleng ang; A mawina leh ropuinate, Kumkhuain an chang tawh ang. Sual leh thihna, natna te pawh, Tuar tawh lovin an leng ang. Mittui zawng zawng a hul ang a, Chatuanin ro an rel ang. Chhumte nen a lo kal hun chuan, Mi thianghlimte an tho vang; Tlanna, hnehna hla thar sain, Boruakah khian an chho vang. Aw Chhandamtu, lo kal thuai rawh, Nghakhlelin kan thlir fo che. Beiseina lawmawm kan thlir reng; I mite hruai khawm thuai la.