Ram tiama tlangsang takte chung lamah chuan

Ram tiama tlangsang takte chung lamah chuan, Pathian kutchhuak khawpui thianghlim tak a awm; A tlang chhip sang laiah chuan han chuang ila, Kan chatuan chawlhna ram tur chu kan thlir thei. Van in kan hnaih ta, van in kan hnaih ta Thlir teh u khawpuia in ropui eng khi; Kawngka pui inhawngah ropuina a lang, Bo tawh lo turin tah chuan kan thleng thuai dawn, Ngai r’u angel zai ri, Van in kan hnaih ta, van in kan hnaih ta. Zawlneite lehkhaah min lo hrilh fo ṭhin, Khawpui ropui rangkachak kawtthler nei chu; Tunah hian rinna mittin han thlir ila, Lungmantam kulh leh in ropui kan hmu thei. Khawpuia lut chu rinawmte chauh an ni, Isua ringa Pathian thupek zawmtute; Tah chuan kan fakna zai ri a tawp tawh lo’ng, Lawmna hla leh fakna hla mawi kan sa ang. Unau te u, tah chuan kan inhmu ang em? Ni enna ram, lungngaih awm lohnaah chuan; Pathian thuchah pawmin A tan rinawm la, Isuan a lo kal hunah a ko dawn che.